Shpërthen vullkani në Indonezi, reja e hirit mbi 10 km e lartë

Azia

Shpërthen vullkani në Indonezi, reja e hirit mbi 10 km e lartë

Më: 1 gusht 2025 Në ora: 19:47
Pamje nga videoja

Në malin Levotobi Laki-Laki në provincën Nusa Tenggara Lindore në Indonezi, një vullkan shpërtheu sot, duke hedhur një re hiri mbi 10 kilometra të lartë, njoftoi Agjencia Vullkanologjike Indoneziane.

Agjencia vullkanologjike i paralajmëroi njerëzit të qëndrojnë gjashtë deri në shtatë kilometra larg kraterit dhe të jenë të kujdesshëm për shkak të rrezikut të baltës në rast të reshjeve të dendura të shiut.

Fotot e publikuara nga agjencia tregojnë një skenë dramatike me bubullima vullkanike mbi vullkan dhe një kolonë hiri që reflekton lavën e kuqe që rrjedh poshtë shpatit të malit.

Disa shpërthime janë regjistruar në muajt e fundit, përfshirë një shpërthim në fillim të korrikut që hodhi hi vullkanik 18 kilometra të lartë, gjë që shkaktoi ndërprerje në trafikun ajror për në dhe nga ishulli i afërt i Balit, raporton Reuters.

comment Për komente lëvizni më poshtë
Sot mund të lexoni Shfletoni kopertinat