Tjetër mbrëmje fantastike për yllin e skuadrës nga Teksasi.
Kur ke në skuadër një lojtar si James Harden, gjërat fillojnë të funksionojnë shumë më mirë. Kështu mund të thuhet edhe për Houston Rockets që lojën e tyre e bazojnë tek Harden.
Në fitoren 103-98 ndaj Orlando Magic, Harden realizoi 40 pikë, 6 asistime dhe 10 kërcime, për të dëshmuar edhe njëherë që është lojtari më në formë në NBA.
Oklahoma City Thunder triumfuan ndaj Milwaukee Bucks, që kryeson Konferencën e Lindjes, duke fituar 122-118 në Chesapeake Energy Arena.
Fantastik ishte Paul George me plot 36 pikë dhe 13 kërcime. Pavarësisht paraqitjes mbresëlënëse të Giannis Antetokounmpos, që realizoi 28 pikë e 18 kërcime, Bucks nuk ia dolën të ndalin skuadrën nga Oklahoma.
Triple-double i jashtëzakonshëm i talentin slloven Luka Donçiq në sfidën mes Dallasit dhe Torontos, por 35 pikët, 10 asistimet dhe 12 kërcime të tij nuk mjaftuan për Mavericks që të fitonin.
Skuadra nga Teksas u mund në fund 120-123 nga Toronto Raptors. Për kanadezët spikati Kawhi Leonard me 33 pikë e 10 kërcime, i ndihmuar edhe nga 19 pikët e Kyle Lowry.
Për Minnesota Timberwolves nuk mjaftuan 35 pikët e Wiggins dhe 22 të Towns në përballjen me Utah Jazz, që u mbyll 111-125. Në këtë sfidë morën më shumë vlerë 29 pikët e Mitchell, që u ndihmua më shumë nga pjesa tjetër e skuadrës.
San Antonio Spurs fituan 132-119 falë 30 pikëve të LaMarcus Aldrige, ndërsa Los Angeles Lakers arritën të triumfonin 116-102 ndaj Phoenix Suns pavarësisht mungesës së LeBron James.
