Kur e luan Prishtina sfidën e kthimit? - Bota Sot
Kur e luan Prishtina sfidën e kthimit?

Basketboll

Kur e luan Prishtina sfidën e kthimit?

Më: 18 shtator 2019 Në ora: 10:33
Kur e luan Prishtina sfidën e kthimit?

Përballje fantastike është zhvilluar të martën në Prishtinë ndërmjet kampionit të Kosovës, Sigal Prishtinës dhe skuadrës së njohur polake, Legia Varshava në rrethin e parë të Ligës së Kampionëve në basketboll.

Bardhekaltrit kanë pësuar humbje me rezultat 79:81 (23:19, 14:25, 32:17, 10:20), në një takim, me shumë kthesa dhe që vendasit shumë lehtë kanë mundur të fitojnë, sikur Mikaile Tmusiq të shënonte në fund.

Prishtinasit e nisën mirë ndeshjen, duke treguar dëshirën për fitore dhe çerekun e parë e fituan 23:19. Sidoqoftë, mysafirët nuk u dorëzuan dhe periodën e dytë e fituan 14:25. Në çerekun e tretë, bardheklatrit ishin të jashtëzakonshëm, duke përmbysur gjithçka (32:17), por çereku i fundit ishte fatal. Legia hyri në një serie 14:0, por Prishtina nuk u dorëzua dhe luftoi deri në fund, duke barazuar shifrat në 79:79. Tek rezultati 79:81, aksioni i fundit ishte i vendasve, por gjuajtja për tre pikë e Tmusiq nuk ishte e saktë.

Te Prishtina, Fahro Alihoxhiq kishte 20 pikë e 12 kërcime, Dardan Berisha 18 pikë dhe 11 asistime, Mikaile Tmusiq 17 pikë dhe Divine Myles 13 pikë e shtatë asistime, derisa te Legia u dallua Michael Finke me 26 pikë.

Ndeshja e kthimit zhvillohet më 20 shtator në Varshavë, ku do të vendoset se kush do të kualifikohet tutje.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...