Gjyqtari shqiptar i FIBA-s: Në Gjermani do të rinis edhe basketbolli, ja masat e rrepta - Bota Sot
Gjyqtari shqiptar i FIBA-s: Në Gjermani do të rinis edhe basketbolli, ja masat e rrepta

Basketboll

Gjyqtari shqiptar i FIBA-s: Në Gjermani do të rinis edhe basketbolli, ja masat e rrepta

Më: 22 maj 2020 Në ora: 20:17
Gjermani

Gjermania nuk po i “rrëmben” Ballkanit vetëm doktorë dhe infermierë. Kohët e fundit, në vendin më të zhvilluar europian ka nisur një jetë të re gjyqtari më i mirë shqipar i basketbollit, Gentian Cici, i cili tregoi për “FanZone” se si do të kthehen në parket skuadrat gjermane.

“9 muaj më parë vendosëm që të vinim në Gjermani. I bëra kërkesë Federatës Gjermane dhe jam pjesë e këtij kampionati dhe gjithashtu edhe arbitër i FIBA-s. Ambientohesh kollaj, problem i vetëm është gjuha, por jam mirë. Futbolli ka filluar prej javësh. Basketbolli fillon zyrtarisht në 6 qershor në Gjermani. Do të jetë vendi i parë që do të rifillojë baskesketbollin. Kampionati do të luhet vetëm në një vend, vetëm në Mynih. Do të jem edhe unë për të arbitruar. Thjesht duhet një procedurë rigoroze e higjienës. Në Gjermani masat janë shumë rigoroze. Unë duhet të udhëtoj rreth 800 kilometra me makinë. Nuk ka aviona apo trena. Do të kryej 2 teste, një këtu në Hamburg, një 2 ditë para rifillimit të kampionatit. Nuk do të ketë asnjë kontakt me njerëz të jashtëm.”

Protokoll i rreptë: Basketbolli është sport kontakti. Lojtarët do t’u nënshtrohen të njëjtave procedurave. Nuk ke si e mbron lojtarin në basketboll pa pasur kontakt. Është e pamundur. Edhe ekipet do të jenë të izoluara. Në zonën e fushës ka një perimetër sigurie. Nëse topi del jashtë 2 metër, ai do lihet dhe do merret një top tjetër i higjienizuar. Janë aq rigoroze masat sa është shumë e vështirë të ketë të infektuar. Kampionati nuk do të ndërpritet edhe nëse del ndonjë lojtar pozitiv.

I plotësuar në karrierë: Unë pothuajse i kam arritur të gjitha në karrierën time. Më mungojnë vetëm Lojërat Olimpike. Dua të marr pjesë atje, edhe po nuk mora pjesë nuk është në fundi i botës. Liga e Basketbollit në Gjermani është një nga 5 më të fortat në botë.

Basketbollistët shqiptarë: Publiciteti i lojtarëve shqiptarë nuk bëhet si duhet. Ata fare mirë mund të luanin në Ligat Europiane. Mund të veçoj Ermal Kuqon, Gerti Shimën, Bilalin…

Shfaq komentet
comments powered by Disqus
Sot mund të lexoni Shfletoni kopertinat