Gjatë fundjavës që kemi lënë pas është organizuar Zoom Online Klinika parasezonale për gjyqtarët e listës C, gjyqtarët fillestarë dhe vëzhguesit e të gjitha listave.
Këto dy klinika kanë qenë të parapara të mbahen në Prishtinë, por për shkaqe të pandemisë COVID-19 janë mbajtur Online në platformën Zoom.
Klinikat janë udhëhequr nga Faton Kurshumlija, FIBA Instruktori Nacional i Gjyqtarëve dhe Prof. Doc. Ridvan Ekmekci. Kurshmulija është shprehur se Klinika ka qenë shumë e suksesshme, dhe shtoi se, kjo Klinikë ka arritur qëllimin.
Në këtë klinikë pjesëmarrës kanë qenë 14 gjyqtarë. Për shkaqe teknike disa gjyqtarë kanë marrë pjesë në seminarin e gjyqtarëve të listës A dhe B.
Programi
Të shtunën
- Prezantimi I (Analizimi FIBA ëebinaret dhe ngritja profesionale) Power Point
- Përgatitja Mentale e gjyqtarëve si dhe analizimi i video klipeve konfliktuoze, Prof. Doc. Ridvan Ekmekci dhe Faton Kurshumlija.
- Ndryshimet e Rregullave të Basketbollit
- Testi Online nga Njohja e Rregullave te Basketbollit
Të dielën
Klinika është udhëhequr nga FIBA Instruktori Nacional i Gjyqtarëve, Faton Kurshumlija. Në këtë klinikë pjesëmarrës kanë qenë 16 vëzhgues nga të gjitha listat.
- Prezantimi I (Përgatitja, ngritja profesionale, obligimet dhe përgjegjësitë e vëzhguesit, pre game, komunikimi, DSS-STATS, paraqitja e shkeljeve, hedhjet, post game, raporti i ndeshjes.
- Prezantimi II, Analizimi i Propozicioneve të Garave për edicionin 2020-2021, njoftimi me propozimet për ndryshimet dhe ristitë për:
- Superligën
- Lojtarët 2001
- Lojtarët e huaj
- Lojtarët e FSHB
- Hedhjet e petardeve dhe fishekzjareve/vendi i hedhjes
- Testi Online nga njohja e Rregullave të Basketbollit
