Trepça nga Mitrovica është fituese e Kupës së Kosovës Agim Lluka.
Mitrovicasit shkëlqyen në finale duke e mposhtur me rezultat 76:62 (19:26, 18:10, 16:15, 23:11) Bashkimin e Prizrenit, në ndeshjen që u zhvillua në palestrën e sportit “Karagaçi” në Pejë.
Bashkimi vetëm në çerekun e parë u tregua më i mirë duke udhëhequr me 7 pikë (19:26).
Trepça këndellet në çerekun e dytë duke kaluar në epërsi me një pikë (37:36) në minutën e 20-të.
Ndeshje me emocione edhe në çerekun e tretë, rezultat shumë i ngushtë e për të shkëputur në epërsi mitrovicasit në çerekun e katërt.
Në minutën e 39-të Trepça thellon epërsinë në 9 pikë (69:60) dhe për të fituar takimin me rezultat 76:62.
Basketbollisti Drilon Hajrizi me 24 pikë e Andrew Michael Gordon me 21, janë më efikasit të mitrovicasit, ndërsa te Bashkimi Julien Lewis me 16 pikë, Valon Bunjaku 14 e John Florevus 14..
