Goditet banda shqiptaro-italiane e trafikut të drogës, duke vënë në pranga 12 persona.
Grupi kriminal vepronte në zonën e Messina në Itali dhe kishte në përbërje shqiptarë dhe italianë.
Të dyshuarve iu gjetën edhe armë, ndërkohë që baza e grupit ishte në lagjen “Mangialupi”.
Më konkretisht shqiptaro-italianët akuzohen se trafikonin dhe shisnin kokainë dhe marijuanë.
Goditja e grupit u bë gjatë natës mes të enjtes dhe të premtes, në kuadër të operacionit të koduar “Tunnel”, në sajë të hetimeve që zgjasnin prej kohësh.
