Dyzet e pesë persona janë arrestuar në një operacion të madh ndërkombëtar kundër një rrjeti të trafikut të drogës midis Brazilit dhe Evropës, njoftoi Europoli.
Agjencia Evropiane e Policisë zbuloi gjithashtu se më shumë se 52 ton kokainë u kapën gjithashtu nga agjencitë e zbatimit të ligjit.
Tre kontinente u përfshinë në hetim për të gjetur “transportin rekord”, i cili është përshkruar si “goditja më e madhe ndonjëherë” e këtij lloji, raporton euronews.
Hetimit ndërkombëtar i ishte bashkuar edhe Europoli në muajin prill dhe u drejtua nga autoritetet në Portugali, Belgjikë dhe Brazil.
Rrjeti i trafikut të drogës besohet të ketë importuar të paktën 45 ton kokainë në portet kryesore detare evropiane, me fitime që tejkalojnë 100 milionë euro për gjashtë muaj.
