Turqi: Numri më i lartë i të infektuarve me COVID-19 në këtë vit

Evropë

Turqi: Numri më i lartë i të infektuarve me COVID-19 në këtë vit

Më: 16 mars 2021 Në ora: 19:57
Foto ilustrim

Numri i infeksioneve të reja të koronavirusit në Turqi është rritur me 16.749 në 24 orët e fundit, numri më i lartë ditor këtë vit, sipas të dhënave nga Ministria e Shëndetësisë.

Numri i përgjithshëm i të infektuarve në Turqi që nga fillimi i pandemisë është 2 milionë e 911 mijë e 642, raporton Reuters.

71 njerëz kanë vdekur nga koronavirusi gjatë 24 orëve të fundit, kështu që numri i përgjithshëm i vdekjeve nga COVID-19 është 29 mijë e 623.

Ministri i Shëndetësisë Fahretin Koca u bëri thirrje qytetarëve t’iu përmbahen masave për të parandaluar përhapjen e koronavirusit, në mënyrë që të mbështesin procesin e normalizimit të kontrolluar që filloi dy javë më parë.

Presidenti Recep Tayyip Erdogan pranoi dje se ka një rritje të të infektuarve, por tha se asnjë kufizim i ri nuk do të futet për tani.

commentFirst article
Sot mund të lexoni Shfletoni kopertinat