Është varrosur me nderime të larta Princi Philip, burri i Mbretëreshës Elizabeta II.
Mediat britanike raportojnë se Mbretëresha fshiu lotët dhe u detyrua të vajtojë e vetme larg familjes së saj në Kapelën e Shën Gjergjit gjatë funeralit të Princit Philip, në Kështjellën e Windsorit.
Ajo në këtë mënyrë emocioanle i dha lamtumirën përfundimtare burrit të saj, pas jetës së tyre të jashtëzakonshme 73-vjeçare së bashku.
Edhe djali i tyre i madh Princi Charles është parë duke qarë në varrim, derisa ecte pas arkivolit në kishë i ndjekur nga mbretër të tjerë të shkatërruar.
Një gjithë Britaninë e Madhe është mbajtur një minutë heshtjeje për ta nderuar Princin Philip.
Arkivoli i Dukës së Edinburgut ishte i mbuluar me standardin e tij personal dhe mbante shpatën, kapelën e tij detare dhe një kurorë me lule me një shënim të shkruar nga gruaja e tij. Arkivoli u shoqërua nga qindra personel të armatosur.
Edhe vëllezërit “grindavecë” Princi William dhe Princi Harry u panë për herë të parë që nga Megxit vitin e kaluar.
Ata nuk folën pas arkivolit, por u panë duke buzëqeshur dhe duke biseduar derisa po ktheheshin për në kështjellë.
Ceremonia madhështore është cilësuar si një nga rastet më emocionuese në histori të shtetit./BS
