Hoqi shtetrrethimin, por Erdogan ndalon muzikën pas mesnate

Evropë

Hoqi shtetrrethimin, por Erdogan ndalon muzikën pas mesnate

Më: 23 qershor 2021 Në ora: 15:10
Recep Tayyip Erdogan

Heqja e orarit të shtetrrethimit nga 1 Korriku në Turqi ishte lajm i shumëpritur. Por presidenti turk Recep Tayyip Erdogan po përballet me protesta të ashpra kryesisht në rrjetet sociale, pas vendimit për të ndaluar muzikën në të gjitha ambientet e argëtimit pas mesnatës.

“Të mos i vijë keq njeriu, por askush nuk ka të drejtë të shqetësojë të tjerët, natën”.

Në rrjetet sociale u shfaq menjëherë hashtagu me mbishkrimin “na vjen keq”, si një kundër përgjigje e drejtpërdrejtë ndaj thirrjes së presidentit. Mes dhjetëra mijëra postimeve deri atje sa nëpër postime si ky në Twitter, hidhen akuza se ekstremistët islamikë po përpiqen të ndikojnë mënyrën e jetesës në qytetet turke.

Për grupe të ndryshme ekspertësh, heqja e shtetrrethimit është e parakohshme pasi me sezonin turistik rrezikohet që në Turqi të përhapet nga turistët, varianti i ashpër indian.

Sakaq, i ashtuquajturi varianti Delta shënoi rekord të ri ditor në Britaninë e Madhe prej mbi 11 mijë infektimesh, shifra më e lartë prej fundit të Shkurtit. Të larta shifrat edhe në Rusi, nga po i njëjti variant.

Shfaq komentet
comments powered by Disqus
Sot mund të lexoni Shfletoni kopertinat