Përplasja e një kamioni dhe një autobusi në Manisa të Turqisë rreth orës 5 të mëngjesit të sotëm, i ka marrë jetën 9 personave, ndërkohë që të paktën 30 të tjerë janë plagosur.
Mediat turke raportojnë se autobusi i cili kishte rreth 50 pasagjerë ishte nisur nga Izmiri drejt Stambollit , dhe u përplas me kamionin në qytetin e Soma.
Një zëdhënëse e policisë në vendngjarje tha se 6 nga viktimat vdiqën në vend, ndërsa 3 të të tjerë humbën jetën në spital.
Pamjet e para nga vendngjarja tregojnë dhe përmasat katastrofike të aksidentit, ku siç shihet gjysma e autobusit është shkatërruar totalisht nga përplasja fatale.
Sipas informacioneve të para shoferi i kamionit i cili po udhëtonte në rrugën anësore të autostradës, humbi kontrollin e automjetit.
Si pasojë ai përfundoi në barrierat në rrugën kryesore,duke goditur autobusin.
