Portugalia tani është vendi me shkallën më të lartë të vaksinimit në botë, sipas shifrave nga “Our World In Data”.
Sipas medieve të huaja, rreth 84 për qind e popullsisë prej 10.3 milionë banorëve në vend tani është plotësisht e vaksinuar. Kjo është norma më e larta në botë, para Emirateve të Bashkuara Arabe (80.8 për qind) dhe Singaporit (77.3 për qind) dhe shumë përpara të 27 shteteve anëtare të Bashkimit Evropian (61.6 për qind).
Qëllimi i Portugalisë për të vaksinuar me dy doza 85 për qind të popullsisë së saj tani është i arritshëm dhe vendi pritet të lehtësoj disa nga masat e vendosura për të frenuar përhapjen e sëmundjes.
Bazuar në të dhënat e Worldometer, Portugalia deri më tani ka regjistruar rreth 1 milion raste të coronavirusit dhe më shumë se 17 mijë viktima.
