OKB bën thirrje për vetëpërmbajtje dhe distancim nga dhuna në Kazakistan

Evropë

OKB bën thirrje për vetëpërmbajtje dhe distancim nga dhuna në Kazakistan

Më: 7 janar 2022 Në ora: 08:59
Ilustrim

Kombet e Bashkuara kanë bërë thirrje për vetëpërmbajtje, distancim nga dhuna dhe dialog pas protestave në vazhdim dhe shpalljes së gjendjes së jashtëzakonshme në Kazakistan.

Në një deklaratë për shtyp, zëdhënësi i sekretarit të përgjithshëm të OKB-së, Stephane Dujarric, theksoi se po ndjekin me shqetësim zhvillimet në Kazakistan.

Dujarric u bëri thirrje të gjitha palëve në Kazakistan për vetëpërmbajtje, distancim nga dhuna dhe dialog.

Protestat që filluan më 2 janar në perëndim të Kazakistanit me arsyen e rritjes së çmimit të gazit të lëngshëm (LPG) dhe situatës socio-ekonomike në vend u përhapën edhe në pjesë të tjera të vendit.

Në protestat që u kthyen në ngjarje rruge u përjetuan përleshje mes forcave të sigurisë dhe protestuesve. Forcat e sigurisë ndërhynë me armë akustike ndaj protestuesve të cilët dogjën automjetet e policisë dhe ushtrisë si dhe hynë në ndërtesat qeveritare.

Presidenti i Kazakistanit, Kassym-Jomart Tokayev, pranoi dorëheqjen e qeverisë si përgjegjëse për nisjen e protestave.

Si pasojë e përhapjes së protestave, gjendja e jashtëzakonshme fillimisht u shpall në kryeqytetin Nur Sultan, në qytetin Almaty dhe rajonin Mangistau dhe më pas u njoftua se vendimi për gjendjen e jashtëzakonshme është i vlefshëm për të gjithë rajonet e vendit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat