Njeriu më i afërt i Papës infektohet me COVID-19

Evropë

Njeriu më i afërt i Papës infektohet me COVID-19

Më: 19 janar 2022 Në ora: 09:54
Papa Françesku dhe Pietro Parolin

‘Krahu i djathtë’ i Papës në Vatikan dhe zëvendësi i tij kanë rezultuar pozitivë për COVID-19.

Pietro Parolin, i cili shërben si sekretar i shtetit i Vatikanit dhe ‘numri 2’ i Papës, ka simptoma shumë të lehta, shkruan DailyMail.

Zëvendësi i Parolin, Kryepeshkopi Edgar Pena Parra, është asimptomatik, thanë zyrtarët e Vatikanit. Nuk kishte asnjë koment të menjëhershëm për kontaktin e tyre të fundit me Papa Françeskun.

Nuk dihet nëse Françesku ka marrë një vaksinë përforcuese, e cila i është administruar paraardhësit të tij, Papa Emeritus Benediktit XVI.

Këto janë rastet e para të COVID-19 të konfirmuara kaq lart në hierarkinë e Vatikanit që nga fillimi i pandemisë.

Papa ka qenë shumë i zëshëm në mbështetjen e tij për vaksinat kundër koronavirusit, pavarësisht disa kundërshtimeve brenda Kishës Katolike.

Ai tha javën e kaluar se vaksinimi kundër virusit ishte një ‘detyrim moral’ dhe denoncoi sesi njerëzit ishin nënshtruar nga ‘informacionet e pabaza’ për të refuzuar ato.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat