Ky është ushtari që kreu krimin makabër mbi kolegët e tij, në Ukrainë

Evropë

Ky është ushtari që kreu krimin makabër mbi kolegët e tij, në Ukrainë

Më: 27 janar 2022 Në ora: 15:51
Artem Ryabchuk

Policia ukrainase ka njoftuar se ka arrestuar ushtarin e Gardës Kombëtare, Artem Ryabchuk, i cili qëlloi rojet e sigurisë në një fabrikë ushtarake për arsye të panjohura, duke vrarë pesë persona dhe duke plagosur pesë të tjerë.

Të shtënat ndodhën sot në mëngjes në Dnipro, në fabrikën e raketave “Pivdenmash”, gjatë dorëzimit të armëve te rojat.

Policia njoftoi se katër ushtarë dhe një grua civile janë në mesin e viktimave, raporton The Guardian.

Ministria e Brendshme e Ukrainës tha se nuk ka shenja të menjëhershme për motivin e mundshëm të sulmit që e kreu ushtari.

Sipas ministrit ukrainas të Punëve të Brendshme, Denys Monastyrsky, një komision do t’i hetojë shkaqet që çuan në veprimin e ushtarit dhe do ta vlerësojë gjendjen mendore të tij, kur i ishte lëshuar leja për armë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat