“Shkoni në k**”/ Ukrainasit që u përplasën me marinën ruse janë gjallë?

Evropë

“Shkoni në k**”/ Ukrainasit që u përplasën me marinën ruse janë gjallë?

Më: 28 shkurt 2022 Në ora: 15:34
Ishulli i Gjarpërinjve në Detin e Zi

Ditë më parë u raportua se ushtarët ukrainas të cilët ruanin Ishullin e Gjarpërinjve në Detin e Zi janë vrarë, por tanimë thuhet se ata janë gjallë.

Kështu ka pretenduar Illia Ponomarenko, reporter i mbrojtjes për The Kyiv Independent, i cili shkroi në Twitter: “Është zyrtare. Detarët e ‘Ishullit të Gjarpërinjve’ janë gjallë, konfirmon Navy”.

“Ata u kapën robër nga Rusia”, shkruan tutje ai.

Lajmi vjen pasi një video u shfaq në të cilën dëgjohej një bisedë audio që u zhvillua midis një luftanijeje ruse dhe rojeve kufitare në ishullin Snake, i cili ndodhet në Detin e Zi rreth 30 milje larg skajit jugor të kontinentit ukrainas.

Në klip, një zë dëgjohej duke thënë në radio: “Kjo është një anije luftarake ruse. Unë ju propozoj të lini armët dhe të dorëzoheni për të shmangur gjakderdhjen dhe viktimat e panevojshme”.

“Përndryshe do të bombardoheni”, thuhej më tej.

Ndërkohë në anën tjetër, mund të dëgjoheshin zëra që diskutonin përgjigjen e tyre, përpara se të thoshin: “Kjo është ajo”.

Ukrainasit më pas u përgjigjen: “Shkoni në k*…”.

comment Për komente lëvizni më poshtë
Sot mund të lexoni Shfletoni kopertinat