Rusia po dështon që të marrë kontrollin e hapësirës ajrore ukrainase.
Kjo është një prej objektivave të saj primare, tha Ministria e Mbrojtjes së Mbretërisë së Bashkuar.
Në përditësimin e fundit të informacioneve të inteligjencës britanike, thuhet se Rusia “ka dështuar të marrë kontrollin e ajrit" dhe kryesisht po mbështetet në armët që lëshohen nga hapësira ruse.
“Marrja e kontrollit të hapësirës ajrore ishte një prej objektivave primar të Rusisë në ditët e para të konfliktit dhe dështimi i tyre i vazhdueshëm për ta arritur këtë ka ngadalësuar ndjeshëm progresin e tyre operacional”, tha Ministria britanike e Mbrojtjes.