Johnson më i vendosur se kurrë: Do të vazhdojmë mbështetjen ushtarake ndaj Ukrainës

Evropë

Johnson më i vendosur se kurrë: Do të vazhdojmë mbështetjen ushtarake ndaj Ukrainës

Nga: V.N Më: 20 mars 2022 Në ora: 20:32
Boris Johnson

Boris Johnson u zotua të vazhdojë mbështetjen ushtarake për Ukrainën në një telefonatë me Volodymyr Zelensky këtë pasdite, shkruan BBC, transmeton Bota sot.

Johnson që nga fillimi i ofensivës ruse ka qenë ndër liderët më të zëshëm ndaj Rusisë.

“Kryeministri nënvizoi angazhimin e vazhdueshëm të Mbretërisë së Bashkuar për të punuar së bashku me partnerët ndërkombëtarë për të koordinuar mbështetjen për të forcuar vetëmbrojtjen e Ukrainës”, tha Downing Street në një deklaratë.

“Të dy liderët theksuan rëndësinë e vazhdueshme të sanksioneve në ushtrimin e presionit ndaj Putinit dhe ata dënuan sulmet e neveritshme ndaj civilëve të pafajshëm, pas bombardimeve të tmerrshme në Mariupol”, thuhet në deklaratë.
 

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat