Eurodeputeti belg, Guy Verhofstadt, ka mbajtur një fjalim të zjarrtë në Parlamentin Evropian, duke e lënë të shtangur shefin e diplomacisë së BE-së, Josep Borell.
Verhofstadt ka kritikuar politikën e sanksioneve të Bashkimit Evropian duke thënë se një politikë e tillë ku vendosen sanksionet hap pas hapi, nuk funksionon me një autokrat si Vladimir Putin.
Guy Verhofstadt ka thënë se duhet të sanksionohen 6 mijë persona të cilët e rrethojnë Vladimir Putinin, listën e të cilëve e ka përgatitur Alexey Navalny.
“Këta janë njerëzit që duhet t’i godisni”, ka thënë eurodeputeti belg, duke kërkuar që të ndryshohet strategjia e Bashkimit Evropian.
“Duhet të shkohet me një pako të plotë të sanksioneve”, ka thënë Guy Verhofstadt, i cili ka thënë se nëse vazhdohet me avazin e vjetër atëherë do të ketë më shumë jetëra të humbura nga radhët e Ukrainës.
Në fund Guy Verhofstadt ka kritikuar edhe Gjermaninë për qëndrimet e mbajtura.
Your strategy of incremental sanctions doesn’t work. Cannot work…
— Guy Verhofstadt (@guyverhofstadt) April 6, 2022
That’s why 212 members of Parliament demand a special #EUCO meeting to decide on full sanctions immediately!
My speech👇🏻 pic.twitter.com/MFCtmboaf4
