Hetim paramentar ndaj kryeministrit britanik mbi thyerjen e mundshme të rregullave të COVID-19

Evropë

Hetim paramentar ndaj kryeministrit britanik mbi thyerjen e mundshme të rregullave të COVID-19

Më: 21 prill 2022 Në ora: 23:37
Kryeministri britanik Boris Johnson

Ligjvënësit britanikë kanë urdhëruar një hetim parlamentar ndaj kryeministrit Boris Johnson për të përcaktuar nëse kishte gënjyer lidhur lidhur me thyerjen e kufizimeve të koronavirusit duke marrë pjesë në grumbullime të paligjshme gjatë pandemisë.

Miratimi nga Dhoma e Komuneve, do të thotë se Komisioni për Privilegjet do të hetojë nëse zoti Johnson gënjeu me vetëdije Parlamentin.

Historikisht, nëse një gjë e tillë vërtetohet, ajo konsiderohet një shkelje që mund të çojë në dorëheqje.

Hetimi shton presionin mbi kryeministrin konservator, pozitat e të cilit janë dobësuar nga pretendimet se ai vetë shpërfilli rregullat e pandemisë që i imponoi vendit, dhe më pas në mënyrë të përsëritur nuk mori përgjegjësinë për një gjë të tillë.

Johnson u gjobit me 50 paund (66 dollarë) nga policia javën e kaluar për pjesëmarrjen në një festë në zyrën e tij në qershor 2020./VOA

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat