Scholz, i bindur se Suedia dhe Finlanda do të anëtarësohen në NATO

Evropë

Scholz, i bindur se Suedia dhe Finlanda do të anëtarësohen në NATO

Më: 19 maj 2022 Në ora: 23:55
Olaf Scholz

Kancelari gjerman, Olaf Scholz, ka thënë se ka “besimin” se Suedia dhe Finlanda do t’i bashkohen NATO-s.

Duke folur në një konferencë shtypi me kryeministrin holandez, Mark Rutte, Scholz tha se Gjermania mirëpret ofertat e vendeve nordike në NATO.

Ai shprehu besimin se ato do të miratohen pavarësisht kundërshtimit turk, shkruan Skynews.

“Nëse identifikoni një vullnet të përgjithshëm, atëherë është që Suedia dhe Finlanda duhet të bëhen shpejt anëtarë, kështu që kam besim se përpjekjet e shumta që janë duke u zhvilluar për të mundësuar një vendim të përbashkët do të jenë të suksesshme,” tha Scholz.

commentFirst article
Sot mund të lexoni Shfletoni kopertinat