Abazoviq udhëton nesër për vizitë zyrtare në Serbi

Evropë

Abazoviq udhëton nesër për vizitë zyrtare në Serbi

Më: 28 qershor 2022 Në ora: 11:00
Dritan Abazoviq dhe Aleksandar Vuçiq

Kryeministri malazez, Dritan Abazoviq, do ta vizitojë nesër Serbinë dhe pritet ta takojë presidentin e Serbisë, Aleksander Vuçiq dhe kryeministren Ana Brnabiq për të diskutuar çështjet e hapura mes dy vendeve, raporton Radio Televizioni i Malit të Zi.

Abazoviq do ta udhëheqë delegacionin prej 11 zyrtarëve përfshirë, ministrin e Agrokulturës, ministrin e Financave dhe ministren e Planifikimit Urban.

Sipas qeverisë malazeze, Abazoviq do të bisedojë me zyrtarët serbë për temat aktuale dhe çështjet tjera të bashkëpunimit në mënyrë që të përmirësojë dialogun politik dhe të forcojë marrëdhëniet bilaterale.

Disa nga çështjet që kanë qenë pengesë mes Podgoricës dhe Beogradit janë ekstradimi i ish-presidentit të unionit Serbi-Mali i Zi, Svetozar Maroviq, mungesa e ambasadorëve në dy shtetet dhe ndalimit të deputetëve të Malit të Zi në kufi që votuan pro rezolutës për Srebrenicën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat