Nxehtësi dhe thatësirë ekstreme, ndodh fenomeni i pazakontë - flasin ekspertët

Evropë

Nxehtësi dhe thatësirë ekstreme, ndodh fenomeni i pazakontë - flasin ekspertët

Më: 28 qershor 2022 Në ora: 11:11
Foto ilustrim

Alarm në Romë për shkak të zjarreve që kanë përfshirë rrethinat e kryeqytetit. Një vatër e madhe ka përfshirë një zonë të pyllëzuar në Aurelia, pranë një kampi veror. Flakët kanë djegur disa kapanonë industrialë brenda të cilëve ndodheshin bombola gazi, të cilat më pas kanë shpërthyer.

Të paktën 35 persona janë intoksikuar nga tymi, të cilët u dërguan në spital dhe ndodhen jashtë rrezikut për jetën. Gjithashtu u evakuuan dhe disa familje.

Vatra tjetër e madhe e zjarrit është ende aktive në zonën Kasaloti. Flakët përfshinë dy pallate, një prej të cilëve u dëmtua rëndë.

Sipas ekspertëve zjarret janë ndihmuar nga era dhe temperaturat e larta që kanë përfshirë Romën në ditët e fundit.

Për shkak të tymit të shkaktuar nga zjarret disa avionë që do të uleshin në Ciampino u ulën në Fiumicino.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat