Numri i dorëheqjeve arrin në 38 – Johnsonit po i largohen bashkëpunëtorët në qeverinë britanike

Evropë

Numri i dorëheqjeve arrin në 38 – Johnsonit po i largohen bashkëpunëtorët në qeverinë britanike

Më: 6 korrik 2022 Në ora: 19:52
Boris Johnson

Kryeministri britanik, Boris Johnson po vazhdon të marrë goditje të njëpasnjëshme, ku disa prej figurave kryesore qeveritare po japin dorëheqje.

I dërguari i tregtisë, David Duguid dhe sekretari privat parlamentar, James Sunderland sapo kanë njoftuar dorëheqjet e tyre, duke e çuar totalin në 38.

Në një deklaratë, Daguid tha se “Në dritën e ngjarjeve të fundit, unë besoj se pozicioni i kryeministrit tani është i paqëndrueshëm. Duke treguar shqetësimet e mia në fillim të kësaj jave, qëllimi im është të tërhiqem nga pozicioni si i dërguari i peshkimit dhe i dërguari i tregtisë për Angolën dhe Zambinë”.

Sunderland dha dorëheqje nga posti si PPS në Departamentin për Mjedisin, Ushqimin dhe Çështjet Rurale (Defra) menjëherë pas Daguid.

Theksojmë se gjatë ditës së djeshme dhe sot dhanë dorëheqje katër ministra si dhe nënkryetari i partisë Konservatore.

Ndryshe, Johnson ka deklaruar se nuk e ka ndërmend të jap dorëheqje nga posti i kryeministrit. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat