Çifti në Mbretërinë e Bashkuar është arrestuar për abuzim me fëmijët pasi u shfaq një video që dukej se i jepnin vodka një foshnje.
“U morën veprime për të mbrojtur personat e përfshirë dhe një burrë dhe një grua u arrestuan nën dyshimin për mizori ndaj fëmijëve”, njoftoi policia britanike.
Në videon që u bë virale në Facebook, një grua që besohet të jetë nëna e fëmijës mund të shihet duke derdhur atë që duket si një shishe vodka në një kapak ndërsa një fëmijë i ulur shikon, raporton nypost.
Më pas ajo në mënyrë tronditëse ia jep foshnjës dhe e kthen kokën mbrapa, sikur të konsumonte një shurup për grip. Gjatë gjithë kohës, një burrë pa këmishë, që mendohet të jetë babai i djalit, mund të shihet duke qëndruar aty pranë, me sa duket i pavëmendshëm për pijen e foshnjës së tij.
Fatmirësisht kjo nuk kaloi pa u vënë re. Policia konfirmoi se ata shkuan në shtëpinë e çiftit pas raportimeve për mosmarrëveshje, ku mësuan për ngjarjen e tmerrshme.
Në një rast të ngjashëm në vitin 2010, një foshnjë indonezian ndezi internetin pasi u shfaq në një video duke pirë 40 cigare në ditë.
