Dhëndri qëllon për vdekje vjehrrin në Arta të Greqisë! Pas sherrit, i shkoi në shtëpi dhe e vrau

Evropë

Dhëndri qëllon për vdekje vjehrrin në Arta të Greqisë! Pas sherrit, i shkoi në shtëpi dhe e vrau

Më: 11 gusht 2022 Në ora: 18:40
Foto nga vendi i ngjarjes

Një ngjarje e rëndë ka ndodhur pasditen e kësaj të enjteje në Arta të Greqisë, ku dhëndri ka qëlluar për vdekje vjehrrin e tij pas një konflikti.

Mësohet se 29-vjeçari ende i paidentifikuar e ka vrarë vjehrrin e tij 80-vjeçar me pushkë gjuetie dhe më pas është arratisur në mal.

Sipas informacioneve të para sherri mes tyre ka ndodhur pasi vajza e viktimës dhe dhëndri 29-vjeçar kishin konflikte mes tyre.

Pas konflikteve të çiftit, babai i gruas ka shkuar në Arta për të marrë vajzën nga shtëpia e bashkëshortit dhe e ka çuar në banesën e tij në Astrochori.

Burri i armatosur me çifte i ka ndjekur dhe me të mbërritur në fshat ka shkuar në shtëpinë e vjehrrit, ku e ka qëlluar 4 herë me çifte duke e lënë të vdekur.

Menjëherë pas kësaj u nis për në mal, ndërsa policia ka nisur hetimet për kapjen e tij si në prefekturën e Artës ashtu edhe në zonat përreth.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat