Rusia me masa të reja ndaj një grupi që mbulon luftën në Ukrainë

Evropë

Rusia me masa të reja ndaj një grupi që mbulon luftën në Ukrainë

Më: 12 gusht 2022 Në ora: 15:06
Një flamur rus shihet duke valëvitur afër ndërtesës së Kremlinit në Moskë. Fotografi ilustruese.

Autoritetet ruse kanë bllokuar llogarinë kryesore në rrjetet sociale të grupit që mbikëqyrë punën e policisë, OVD-Info, pasi ky grup ka mbuluar edhe luftën e Moskës kundër Ukrainës.

OVD-Info tha se llogaria në VK, që është rrjeti më i madh social në Rusi, i është bllokuar me urdhër të prokurorëve.

OVD-Info, që është një organizatë joqeveritare dhe mbledh të dhënat për arrestimet dhe ndalimet në mbarë vendin, tha se Zyra e Prokurorit të Përgjithshëm ka deklaruar se raportimet e grupit lidhur me numrin e viktimave të civilëve ukrainas dhe trupave ruse, janë “të rreme”.

Ueb-faqja kryesore e organizatës u bllokua në dhjetor, pasi një gjykatë ruse akuzoi grupin OVD-Info për promovim të terrorizmit dhe ekstremizmit.

Më pas gjykata e apelit hodhi poshtë vendimin, por ueb-faqja e grupit mbeti e bllokuar dhe OVD-Info u detyrua të krijonte një ueb-faqe të re.

Që nga fillimi i pushtimit të Ukrainës më 24 shkurt, autoritetet ruse kanë shtypur mediat e pavarura dhe grupet e shoqërisë civile që kanë mbuluar luftën në Ukrainë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat