Sulmuesi në Mal të Zi e telefonoi qiramarrësin e tij para se ta vriste edhe atë, ja çka i tha

Evropë

Sulmuesi në Mal të Zi e telefonoi qiramarrësin e tij para se ta vriste edhe atë, ja çka i tha

Më: 13 gusht 2022 Në ora: 08:42
Cetinë

Një ngjarje tragjike ka tronditur Malin e Zi ditën e djeshme.

34-vjeçari Vuk Boriloviq ka vrarë dhjetë persona në Cetinë, derisa më pas ai vetë është bërë viktima e 11-të, pasi u vra nga një bashkëqytetar.

Autoritetet atje kanë treguar edhe me detaje se si Boriloviq vrau fqinjët e tij rend nëpër shtëpitë e tyre dhe para familjarëve të tyre.

Ai e kishte filluar nga shtëpia e qiramarrësit e tij kur hyri në banesën e tyre rreth orës 15:30 dhe vrau 11 vjeçarin M. në derë, pastaj vëllanë e tij tre vjet më të vogël dhe më pas qëlloi nënën e tyre – Natasha Pajović Martinoviq.

Pasi i ka vrarë, ka telefonuar edhe babanë e fëmijëve e burrin e Natashas, Millosh Martinoviq dhe i ka thënë: “Unë e kam vrarë familjen tënde”, siç i kanë thënë bashkëbiseduesit Vijestit.

Për 45 minuta të tjera, Boriloviq me armë gjuetie në dorë shkoi edhe në shtëpitë e fqinjve të tjerë, duke vrarë shtatë persona të tjerë dhe duke plagosur gjashtë të tjerë.

Image
Cetinë
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat