Atentati me vdekje ndaj vajzës së njeriut të Putinit, Ukraina mohon përfshirjen

Evropë

Atentati me vdekje ndaj vajzës së njeriut të Putinit, Ukraina mohon përfshirjen

Më: 21 gusht 2022 Në ora: 14:29
Foto ilustrim

Ukraina ka hedhur poshtë përfshirjen në atentatin me bombë ku mbeti e vdekur vajza e aleatit të presidentit rus Vladimir Putin.

“Ne nuk jemi shtet kriminal, sicc është Rusia” tha zyrtari ukrainas Mykhailo Podolyak, njëherësh këshilltar i presidentit ukrainas Volodymyr Zelenskyy.

Daria Dugina, vajza e ideologut nacionalist rus Alexander Dugin, i cili shpesh etiketohet si ‘truri i Putinit’, u vra kur makina e saj shpërtheu në periferi të Moskës.

Dega e Komitetit Hetues për rajonin e Moskës tha se shpërthimi i së shtunës mbrëma u shkaktua nga një bombë e vendosur në SUV-në e drejtuar nga Dugina.

29-vjeçarja ashtu si babai i saj, ishte një përkrahëse e ideologjisë së konceptit të “botës ruse” dhe një mbështetëse e zjarrtë e dërgimit të trupave nga Rusia në Ukrainë.

Sipas BBC, Maria Zakharova, një zëdhënëse e Ministrisë së Jashtme ruse, tha në Telegram se Rusia do të konsideronte çdo përfshirje të Ukrainës në incident si “terrorizëm shtetëror”.

 

comment Për komente lëvizni më poshtë
Sot mund të lexoni Shfletoni kopertinat