Vuçiq thotë se Serbia nuk i njeh referendumet e Rusisë në Ukrainë

Evropë

Vuçiq thotë se Serbia nuk i njeh referendumet e Rusisë në Ukrainë

Më: 28 shtator 2022 Në ora: 16:55
Aleksander Vuçiq

Presidenti i Serbisë, Aleksandar Vuçiq, ka thënë se Serbia nuk do të njohë rezultatet e referendumeve të mbajtura në katër rajone të Ukrainës nga Rusia, pavarësisht marrëdhënieve të ngrohta mes Beogradit dhe Moskës.

Vuçiq tha se e bën këtë pasi është në interesin e Serbisë që të mbrojë integritetin territorial të shteteve të njohura ndërkombëtarisht, pasi edhe vetë “po mbrojnë integritetin territorial”.

“Serbia nuk do të njohë ato referendume, pasi i përmbahet ligjit ndërkombëtar, Kartës së Kombeve të Bashkuara dhe rezolutave të OKB-së. Ne po mbrojmë integritetin tonë territorial dhe është në interesin tonë më të mirë të mbrojmë integritetin territorial të vendeve të tjera të njohura ndërkombëtarisht”, u tha Vuçiq gazetarëve.

Serbia, një kandidate për anëtarësim në Bashkimin Evropian, varet nga Rusia për furnizimet me gaz natyror dhe ka refuzuar t’i bashkohet sanksioneve perëndimore kundër Moskës për veprimet e saj në Ukrainë, raporton DW.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat