Dalin pamjet e frikshme: Aeroplani goditet nga rrufeja, ja nga ku ishte nisur

Evropë

Dalin pamjet e frikshme: Aeroplani goditet nga rrufeja, ja nga ku ishte nisur

Më: 29 shtator 2022 Në ora: 09:28
Fluturimi EJU2889 nga Milano në Napoli u devijua për në Bari pasi u godit nga një rrufe

Një avion i EasyJet u detyrua të bëjë një ulje emergjente pasi u godit nga rrufeja. Avioni që ishte nisur nga Milano nuk ishte në gjendje të arrinte në Napoli pasi rrufeja goditi krahun e tij.

Rajoni i Campania-s në jug të Italisë u godit nga shira të dendur, të cilat thuhet se e vështirësuan shumë arritjen e avionit në Aeroportin Ndërkombëtar të Napolit. Avioni u detyrua të bëjë ulje emergjente në aeroportin e Barit.

Fatmirësisht, 90 pasagjerët që ishin në bord nuk janë dëmtuar nga incidenti. Mediat lokale kanë pohuar se pasagjerët u dërguan më pas në Napoli me transport publik.

Image
Fluturimi EJU2889 nga Milano në Napoli u devijua për në Bari pasi u godit nga një rrufe

Një zëdhënës i EasyJet tha:

Ne mund të konfirmojmë se fluturimi EJU2889 nga Milano në Napoli u devijua për në Bari pasi u godit nga një rrufe. Kjo thjesht si një masë paraprake dhe në përputhje me procedurat tona. Avioni është i pajisur për t'i bërë ballë rrufesë dhe në asnjë moment nuk është cenuar siguria e fluturimit.

Avioni u ul në mënyrë rutinore dhe pasagjerët vazhduan udhëtimin e tyre për në Napoli me autobus. EasyJet dëshiron t'u kërkojë falje pasagjerëve për çdo shqetësim të shkaktuar. Siguria e pasagjerëve dhe ekuipazhit të saj është prioriteti më i lartë i linjës ajrore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat