Babai vret në gjumë fëmijët e tij të mitur dhe shokun e tyre dhe më pas edhe bashkëshorten

Evropë

Babai vret në gjumë fëmijët e tij të mitur dhe shokun e tyre dhe më pas edhe bashkëshorten

Më: 5 tetor 2022 Në ora: 07:04
Një burrë pranoi sot se kishte vrarë partneren, dy fëmijët e tij dhe shokun e tyre të ngushtë në gjumë

Një mendje njerëzore nuk e imagjinon kurrë një krim të tillë. Por ka ndodhur…

Një burrë pranoi sot se kishte vrarë partneren, dy fëmijët e tij dhe shokun e tyre të ngushtë në gjumë, por mohoi përdhunimin.

Damian Bendall, 32 vjeç, dyshohet se theri 11-vjeçaren Lacey, vëllain e saj John, 13 vjeç dhe shokun Connie Gent, 11 vjeç, në një shtëpi në Killamarsh, Derbys, Angli.

Ai akuzohet gjithashtu për përdhunimin e Lacey dhe vrasjen e partneres së tij, Terri Harris, 35 vjeç.

Bendall u paraqit sot në gjykatën e Derby Crown, ku pranoi fajësinë për vrasje.

Por ai mohoi akuzën për përdhunim të një vajze nën moshën 13-vjeçare.

Ai do të dalë në gjyq për këto vepra, të cilat dyshohet se kanë ndodhur mes 17 dhe 20 shtatorit të vitit të kaluar, më 24 nëntor.

Oficerët u futën në shtëpi në shtator pasi morën një telefonatë dhe gjetën të vdekur 4 persona.

Bendall u dërgua në spital për t’u trajtuar për “plagosje të lehta të vetë-shkaktuara” përpara se të transferohej në paraburgim.

Policia konfirmoi se kishte nisur një hetim për vrasje dhe tha se nuk po kërkonte askënd tjetër në lidhje me ngjarjen tragjike.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat