Rusët u mashtruan shumë herë dhe shpenzuan municion në objektiva të rreme ukrainase duke vrarë ushtarët e tyre.
Sipas raportit të fundit nga instituti i ekspertëve RUSI (Instituti Mbretëror i Shërbimeve të Bashkuara), gjatë pushtimit të Ukrainës, forcat e presidentit rus Vladimir Putin u mbështetën në harta të vjetruara të objektivave ushtarakë për të hapur zjarr.
Si pasojë ata kanë qëlluar mbi ushtarët e tyre pasi nuk e dinin se ku ishin. Rusët u mashtruan shumë herë dhe shpenzuan municion në objektiva të rreme ukrainase dhe për burimet funksionale të Ukrainës ata menduan se ishin shkatërruar por që në fakt nuk ishin shkatërruar por thjesht ishin mashtruar nga taktikat e forcave ushtarake të Ukrainës.
Në pamundësi për të zbuluar se si pilotët ukrainas ende po fluturojnë, duke pasur parasysh shkatërrimin e supozuar të bazave të tyre ajrore nga forcat, ata kanë spekuluar se Kievi mund të ketë ndërtuar një kompleks të përpunuar nëntokësor për të lejuar pilotët e tij të ngrihen.
Por diçka e tillë nuk është reale por harta që posedojnë forcat ruse janë shumë të vjetra dhe shumë vende apo ndërtesa të Ukrainës nuk ekzistojnë në hartë.
Për shkak të mungesës së komunikimit, artileria ruse shënjestroi forcat e veta, ndërsa mbrojtja kundërajrore shënjestroi avionët miqësorë. Sistemi elektronik i kundërmasave Hibni, i cili supozohet të mbrojë pilotët rusë, në vend të kësaj bllokoi avionët e tyre.
Ndaj dhe kjo ka bërë që një nga problemet më të mëdha që minonte përpjekjet e Putinit për luftë ishte i ashtuquajturi zjarr miqësor. Ky fakt është pohuar edhe nga një komandantë pro Kremlinit: Shumica e vdekjeve të ushtarëve rreth 60% e tyre, që nga mesi i majit e deri tani janë shkaktuar nga zjarri i vetë rusëve.
