BE-ja po i afrohet vendosjes së një kufiri të çmimit prej 60 dollarësh për fuçi për naftën ruse

Evropë

BE-ja po i afrohet vendosjes së një kufiri të çmimit prej 60 dollarësh për fuçi për naftën ruse

Më: 2 dhjetor 2022 Në ora: 11:45
Foto ilustrim

Bashkimi Evropian u dakordua paraprakisht të enjten, për vendosjen e një kufiri të çmimit prej 60 dollarësh për fuçi për naftën detare ruse – një ide e vendeve të G7-ës.

Kjo marrëveshje ende nuk është miratuar nga të gjitha vendet e Bashkimit Evropian.

Polonia kishte insistuar për të caktuar një çmim sa më të ulët për një fuçi të naftës ruse, thanë diplomatët të enjten, raporton Retures.

Vendet e BE-së kanë diskutuar për ditë të tëra mbi detajet e kufirit të çmimit, i cili synon të ulë të ardhurat e Rusisë nga shitja e naftës, ndërsa parandalon një rritje të çmimeve globale të naftës pasi një embargo e BE-së ndaj naftës së papërpunuar ruse hyn në fuqi më 5 dhjetor.

Kjo do t’i lejojë vendet të vazhdojnë importimin e naftës së papërpunuar ruse duke përdorur sigurimet Perëndimore dhe shërbimet detare për sa kohë që nuk paguajnë më shumë për fuçi se kufiri i rënë dakord.

Propozimi fillestar i G7-ës javën e kaluar ishte për një kufi çmimi prej 65-70 dollarë për fuçi pa asnjë mekanizëm rregullimi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat