​KE shqyrton vendosjen e sanksioneve për sektorin e minierave rus brenda paketës së 9-të

Evropë

​KE shqyrton vendosjen e sanksioneve për sektorin e minierave rus brenda paketës së 9-të

Më: 6 dhjetor 2022 Në ora: 15:52
​KE

Komisioni Evropian po shqyrton vendosjen e një ndalimi për investimet e reja në sektorin e minierave rus, si pjesë e një grupi të ri sanksionesh që synojnë të minojnë aftësinë e Kremlinit për të financuar luftën kundër Ukrainës, raporton sot Financial Times.

Gazeta shkruan, duke cituar burime pranë Komisionit Evropian, se ndalimi do të ishte pjesë e paketës së nëntë të sanksioneve të BE-së kundër Rusisë, të cilën zyrtarët planifikojnë ta diskutojnë me vendet anëtare në ditët në vijim.

Zyrtarët e BE shpresojnë të arrijnë një marrëveshje mbi ndalimin e ri deri në fund të javës së ardhshme, njoftoi gazeta.

Financial Times shkruan se paketa e re e sanksioneve mund të përfshijë gjithashtu kontrolle të eksportit mbi teknologjitë civile që Brukseli beson se Rusia po përdor për të mbështetur fabrikat e saj të armëve, një ndalim të transaksioneve me tri banka të tjera ruse dhe sanksione të synuara kundër 180 personave të tjerë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat