Incidenti i dytë brenda pak javësh, mbreti Charles sulmohet sërish me vezë

Evropë

Incidenti i dytë brenda pak javësh, mbreti Charles sulmohet sërish me vezë

Më: 6 dhjetor 2022 Në ora: 16:50
Mbreti Charles

Mbreti Charles është sulmuar sërish me vezë gjatë një shëtitjeje në Luton sot ndërsa policia arrestoi burrin e dyshuar për sulmin. Truprojat ndërhynë shpejt për ta larguar monarkun nga ngjarja në Sheshin e Shën Gjergjit.

Kjo ngjarje vjen një muaj pasi u sulmua me vezë teksa ndodhej në York.

Policia tha se kishte arrestuar një burrë rreth të njëzetave, i cili tani është në paraburgim. 74 vjeçari e kaloi me sportivitet situatën dhe shpejt filloi të shtrëngonte duart me audiencën.

Kujtojmë që muajin e kaluar ai u sulmua nga një i ri teksa bërtiste se “ky vend u ndërtua mbi gjakun e skllevërve”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat