Një burrë qëlloi për vdekje me armë tre persona dhe në fund kreu vetëvrasje në qytetin portugez Setubal, rreth 45 kilometra në jug të kryeqytetit të vendit, shkruan CNN.
Komisioneri i policisë, Joao Freire tha për Reuters, se “janë katër kufoma, që me gjasë janë rezultat i të shtënave, por shkaqet e detajet mbeten të panjohura”.
Ekipet e hetuesve dolën në vendin e ngjarjes për të mbledhur provat, ndërsa deri më tani as identiteti i sulmuesit nuk është zbuluar.
CNN Portugal shkruan se të shtënat ndodhën në orën 8 të mëngjesit në një lagje të varfër të Setubalit të njohur si Bairro Azul dhe se sulmuesit kreu vetëvrasje kur policia arriti në vendin e ngjarjes.
