Merret në pyetje Rishi Sunak/ Hetimi se si qeveria e menaxhoi krizën e pandemisë së Covid

Evropë

Merret në pyetje Rishi Sunak/ Hetimi se si qeveria e menaxhoi krizën e pandemisë së Covid

Më: 11 dhjetor 2023 Në ora: 20:33
Rishi Sunak

Hetimi për pandeminë e COVID-it, që po kryhet në Britani, ku janë duke u thirrur gjithë aktorët kryesorë që u morën me përballimin dhe menxhimin e asaj situate, po merr trajtat e një telenovele, me nota të theksuara qesharake, ç’ka ka bërë që opinion publik, politik dhe mediatik, të ngrejë vetullat në shenjë mosbesimi dhe shock-u për çfarë ka dal nga goja e të marrëve në pyetje.

Fillimisht, ishte ish-kryeministri Boris Johnson ndër “bishat” e politikës, që dha dëshmi, i njohur gjerësisht si “pinoku” i politikës britanike, për shkak të moskonsistencës dhe natyrës se vërtetuar gënjeshtare të prononcimeve të tij, kur deklaroi se ai kishte humbur telefonin e tij celular, kur e pyetën, nëse i kishte në WhatsApp komunikimet me pjesëtarë të tjerë të rëndësishëm të kabinetit të tij qeveritar.

Pas tij i erdhi radha njeriut të 225 më të pasur në Britani, kryeministrit aktual Rishi Sunak, i cili në atë botë, ishte Ministri i Financave të qeverisë së Boris Johnson, njërit nga pasuesit e tij në këtë post.

Edhe Rishi Sunak njësoj si ish-bosi i tij, ka deklaruar se ai nuk i ka më mesazhet e tij në këtë platformë, pasi ka ndryshuar disa herë telefonat celularë që nga ajo kohë dhe nuk është se ishte ndonjë përdorues profili i WhatsApp-it.

Në rastin e Boris Johnson që ka humbur celularin, duket në rastin më të mirë, si një aksident apo një rast fatkeq, ndërsa në rastin e kryeministrit të sotëm më shumë po duket si konspiracion. Gjithçka po duket dhe tingëllon si telenovelë.

E nëse do duhet t’i shkohet deri në fund këtij hetimi dhe të zbulohet e vërteta e komunikimeve mes zyrtareve më të lartë të kabinetit qeveritar britanik, komunikimet në WhatsApp edhe nëse telefoni humbet apo ndërrohen numrat, kjo gjë është shumë e lehtë dhe këto komunikime sërish janë të rikuperueshme  teknikisht nga operatorët telefonik, siç veprojnë institucionet ligjzbatuese britanike kur hetojnë për krimin e organizuar dhe jo vetëm, një praktikë dhe të dhëna që përdoren rëndom nëpër gjykatat britanike si prova materiale në proceset gjyqësore.

comment Për komente lëvizni më poshtë
Sot mund të lexoni Shfletoni kopertinat