Presidenti rus Vladimir Putin ka thënë se ishte informuar për një ide për të liruar nga burgu armikun e tij më të ashpër politik, Alexei Navalny, disa ditë para vdekjes së liderit të opozitës.
Gjatë fjalimit të tij të fitores në Moskë, presidenti tha se kishte rënë dakord me idenë, por vetëm me kusht që Navalny të mos kthehej në Rusi, shkruajnë mediat e huaja.
Ai shtoi se ishte “e trishtueshme” që dikush kishte vdekur.
Navalny, i cili bëri fushatë kundër korrupsionit zyrtar dhe udhëhoqi protesta të mëdha kundër Kremlinit, vdiq në një burg të Arktikut muajin e kaluar, në moshën 47-vjeçare.
Vdekja e tij ndezi një sërë pyetjesh dhe akuzash, duke përfshirë mënyrën se si vdiq dhe, më e rëndësishmja, kush, nëse dikush, ishte përgjegjës.
Disa liderë perëndimorë, si dhe gruaja e Navalny, Julia Navalnaya, e drejtuan gishtin me vendosmëri në drejtim të Kremlinit, i cili gjithmonë ka mohuar çdo përfshirje në vdekjen e Navalnyt.
