Kryeministri polak Donald Tusk dënoi “sulmin brutal” në Moskë, ndërsa shprehu shpresën se nuk do të bëhet “pretekst për përshkallëzimin e dhunës”.
“Polonia dënon me termat më të ashpër sulmin brutal. Shpresojmë që kjo tragjedi të mos përdoret si pretekst nga askush për përshkallëzimin e dhunës dhe agresionit”, shkroi kreu i qeverisë polake në rrjetet sociale X.
Të paktën 133 njerëz u vranë dhe më shumë se 140 u plagosën në një nga sulmet terroriste më vdekjeprurëse në vitet e fundit në Rusi.
Autoritetet thanë se gjithsej 11 persona u arrestuan, duke përfshirë katër autorët e sulmit teksa po shkonin për në Ukrainë.
