Akuzohet për spiunazh në operacionet e NATO-s, burgoset një burrë në Greqi

Evropë

Akuzohet për spiunazh në operacionet e NATO-s, burgoset një burrë në Greqi

Më: 2 maj 2025 Në ora: 22:08
NATO

Një burrë është akuzuar në Greqi për vepra penale që lidhen me spiunazhin dhe është burgosur në pritje të gjyqit, pasi dyshohet se ka fotografuar dhe filmuar operacione ushtarake në portin strategjik të Aleksandropolis në Greqinë verilindore.

Porti shërben si një qendër kyçe logjistike për operacionet e SHBA-së dhe NATO-s, duke lehtësuar lëvizjen e pajisjeve dhe personelit ushtarak në mbështetje të Ukrainës dhe shteteve anëtare të NATO-s në Evropën Lindore.

Burri, emri i të cilit nuk është bërë i ditur, u arrestua më 29 prill në një operacion të përbashkët nga policia dhe Shërbimi Kombëtar i Inteligjencës i Greqisë.

Autoritetet thanë se ai po “vepronte në emër të një individi tjetër” dhe ia kishte dërguar regjistrimet atij personi duke përdorur një aplikacion mesazhesh të koduar, por nuk dhanë detaje të mëtejshme.

comment Për komente lëvizni më poshtë
Sot mund të lexoni Shfletoni kopertinat