Ministria e Jashtme e Ukrainës ka thënë se pesë nga viktimat e një sulmi iranian në qytetin qendror izraelit të Bat Yam të dielën ishin shtetas ukrainas.
"Si rezultat i një sulmi masiv raketor iranian kundër Izraelit dhe një rakete që goditi një ndërtesë banimi në Bat Yam, pesë shtetas ukrainas, përfshirë tre fëmijë të mitur, u vranë", tha ministria e Jashtme në një deklaratë të dielën, duke cituar informacione paraprake nga Ambasada e Ukrainës në Izrael, raporton KosovaPress.
Numri i të vdekurve nga sulmi aktualisht është shtatë persona.
Diplomatët ukrainas po punojnë me policinë izraelite për të identifikuar dhe riatdhesuar trupat, thuhet në deklaratë.
