Rally Dakar 2019; Spikatin pilotët Loeb dhe Walkner - Bota Sot
Rally Dakar 2019; Spikatin pilotët Loeb dhe Walkner

Formula 1

Rally Dakar 2019; Spikatin pilotët Loeb dhe Walkner

Më: 9 janar 2019 Në ora: 11:51
Rally Dakar 2019

Pas një etape të parë të vështirë, Sebastian Loeb shfaq aftësitë në atë pasardhëse në Rally Dakar të vitit 2019. Në kategorinë e makinave, piloti francez bëri një paraqitje fantastike në etapën e dytë 553 km të gjatë duke e fituar me kohën 3 orë 26 minuta e 53 sekonda.

Në vendin e dytë u pozicionua spanjolli Nani Roma me vetëm 8 sekonda më shumë se Loeb, ndërsa vendi i tretë i takoi holandezit Ten Brinke. Për Stephane Peterhansel, etapa e dytë e Rally Dakar ishte krejtësisht për t’u harruar.

Francezi, 13 herë fitues i këtij kompeticioni u përball me një dunë dhe vetëm ndërhyrja e shokut të tij të skuadrës Cyril Despres i dha mundësinë të riniste garimin duke e mbyllur etapën me 15 minuta e 9 sekonda më shumë se Loeb. Përsa i përket renditjes së përgjithshme në krye është De Villiers, i ndjekur nga Ten Brinke e Nani Roma.

Rivalitet u shfaq edhe në kategorinë e motorëve ku fitorja i takoi kampionit në fuqi, Mattihas Walkner me 3 orë 23 minuta e 57 sekonda. Austriaku arriti t’i rrëmbejë vendin e parë Ricky Brabec pikërisht në sektorin e fundit ndërmjetës të etapës dhe e mbylli atë me një avantazh prej 22 sekondash kundrejt rivalit të tij.

Vendi i tretë ishte për Joan Barredën, fituesin e etapës së parë. është pikërisht spanjolli që kryeson renditjen e përgjithshme për motorë i ndjekur nga Walkner dhe Brabec.

Image
Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...