Hamilton do të ulet në gjunjë në rast se ngjitet në podium - Bota Sot
Hamilton do të ulet në gjunjë në rast se ngjitet në podium

Formula 1

Hamilton do të ulet në gjunjë në rast se ngjitet në podium

Më: 17 qershor 2020 Në ora: 14:21
Hamilton do të ulet në gjunjë në rast se ngjitet në podium

Lewis Hamilton do të ulet në gjunjë në rast se ngjitet në podiumin e garës së Çmimit të Madh të Austrisë, gara e parë sezonale në Formula 1. Një gjest që mbështet betejën kundër racizmit, pas ngjarjeve të fundit në Amerikë, ku humbi jeton afro-amerikani George Floyd.

Duket se britaniku synon të imitojë gjestin e Kaepernick, lojtar i futbollit amerikan, që u gjunjëzua në momentin që këndohej himni amerikan. Babai i Lewis Hamilton, Anthony Hamilton, ka ftuar të gjithë të ndjekin shembullin e 6 herë kampionit të botës dhe të ulen në gjunjë.

“Kjo është një çështje që nuk i përket vetëm Lewis, por të gjithë Formula 1.

Uroj që e gjithë Formula 1 të ulet në gjunjë. Ai nuk ka frikë ta bëjë këtë gjest, pasi është një veprim i drejtë, ku ai beson. Të ulemi në gjunjë jo vetëm për Floyd, por për të gjithë ata që po vuajnë nga racizmi”, tha Anthony Hamilton.

Shfaq komentet
comments powered by Disqus
Sot mund të lexoni Shfletoni kopertinat