Me auto sllallomin në Prizren, bie “perdja” e kampionatit

Formula 1

Me auto sllallomin në Prizren, bie “perdja” e kampionatit

Më: 24 tetor 2020 Në ora: 13:10
Me auto sllallomin në Prizren, bie “perdja” e kampionatit

Kampionati i Kosovës në automobilizëm është në hapin e fundit. Nesër, në rrugën “Transiti i Ri” në Prizren, mbahet gara në disiplinën e auto sllallomit, e fundit për këtë kampionat.

Duke marrë parasysh traditën e prizrenasve, interesimin e madh dhe faktin që në disa klasa gara do të jetë përcaktuese për renditjen përfundimtare, atëherë është e qartë se e diela do të jetë me adrenalinë të lartë.

Paraqitja në garë bëhet prej orës 09:00 – 10:30, për të vazhduar me verifikimin e dokumentacionit e kontrollimin teknik.

Pas brifingut me garues, në orën 12:00 nisin vozitjet provuese, 15 minutave pas së cilave nis gara zyrtare në konkurrencën e femrave, ndërsa me të përfunduar ajo, pas 15 minutash tjerë garën e fillojnë meshkujt.

Auto Klubi Prizreni D&G në bashkëpunim me Federatën e Auto Sportit të Kosovës (FASK) dhe institucionet tjera relevante, i kanë marrë të gjitha masat që gara të ketë rrjedhë sa më të mirë, ashtu siç pati i tërë kampionati i sivjetmë, gjatë të cilit nuk pati asnjë problem serioz.

Shfaq komentet
comments powered by Disqus
Sot mund të lexoni Shfletoni kopertinat