Rosberg mposht Hamilton në raundin e parë të kampionatit “Extreme E”

Formula 1

Rosberg mposht Hamilton në raundin e parë të kampionatit “Extreme E”

Më: 6 prill 2021 Në ora: 11:48
Rosberg mposht Hamilton në raundin e parë të kampionatit “Extreme E”

Ka nisur fundjavën e kaluar kampionati i “Extreme E”, kampionati i garave të makinave SUV, 100% elektrike, ku protagonistë janë edhe disa nga ikonat e Formula 1.

Në garën e parë të zhvilluar në Arabinë Saudite, fitoi makina Rosberg X Racing, e ish-kampionit të botës në Formula 1, Nico Rosberg. Makina e tij, e pilotuar nga dyshja Kristofferson-Taylor, mbërriti e para në finish, shkruan telesport.

Në vendin e dytë u klasifikua dyshja Hansen-Munnings e makinës Andretti United XE dhe në vend të tretë u rendit makina e Lewis Hamilton, Team X44, e pilotuar nga Loeb-Gutierrez.

Për sa i përket garës, ajo u dominua gjatë gjithë kohës nga pilotët e makinës së Nico Rosberg, që menaxhunn mirë avantazhin deri në fund. Në klasifikimin e përgjithshëm, makina e Hamilton mori 12 pikë më shumë, për shkak se dha kohën më të mirë gjatë provave zyrtare të së shtunës.

Shfaq komentet
comments powered by Disqus
Sot mund të lexoni Shfletoni kopertinat