Raikkonen mposht koronavirusin, gati rikthimi në pistë

Formula 1

Raikkonen mposht koronavirusin, gati rikthimi në pistë

Më: 14 shtator 2021 Në ora: 13:57
Raikkonen mposht koronavirusin, gati rikthimi në pistë

Kimi Raikkonen gati për t’u kthyer në pistë. Veterani finlandez mposhti virusin Covid – 19 dhe tashmë është i gatshëm për të garuar përsëri.

Piloti më i madh në moshë nga pjesëmarrësit e botërorit të Formulës 1 tani është në dispozicion të skuadrës zvicerane Alfa Romeo Racing për etapën e radhës, që do të mbahet fundjavën përmbyllëse të këtij muaji në Rusi.

Piloti skandinav do të festojë 42-vjetorin pas pesë javësh dhe kampioni i botës i vitit 2007 me Skuadrën Ferrari ka deklaruar prej kohësh se ky do të jetë sezoni i fundit për të në Formula 1.

Fitoren e fundit në këtë kampionat Raikkonen e ka regjistruar në vitin 2018, kur drejtonte një Ferrari dhe ishte shok skuadre me pilotin gjerman Sebastian Vettel te ekipi nga Maranello.

Shfaq komentet
comments powered by Disqus
Sot mund të lexoni Shfletoni kopertinat