Arjeta Rysha e Mimoza Jetullahu të gatshme për garën e madhe në Portugali

Formula 1

Arjeta Rysha e Mimoza Jetullahu të gatshme për garën e madhe në Portugali

Më: 15 shtator 2021 Në ora: 23:54
Arjeta Rysha e Mimoza Jetullahu të gatshme për garën e madhe në Portugali

Pas pjesëmarrjes në Kampionatin e Kosovës në automobilizëm, Arjeta Rysha e Mimoza Jetullahu janë të gatshme për një sfidë tjetër, madje edhe më serioze.

Dy garueset tona do të marrin pjesë në garën e madhe ndërkombëtare, FIA Hill Climb Masters,  që do të mbahet prej 8 – 10 tetor në Braga të Portugalisë.

Arjeta shprehet optimiste për paraqitje sa më të mirë.

Image

“Bëhet fjalë për garën e nivelit më të lartë botëror në disiplinën malore, garë e organizuar nga Federata Ndërkombëtare e Automobilizmit (FIA), e cila tradicionalisht mbahet në çdo dy vite”, shprehet Arjeta, duke shtuar se është duke u përgatitur me veturën e saj, ndërkohë që është duke i kryer edhe procedurat e fundit sa i përket dokumentacionit.

Natyrisht, ajo është e vetëdijshme edhe për rrezikun e pjesëmarrjes në këtë garë kaq prestigjioze. 

“Secila garë dhe secila pistë i ka rreziqet e saj. Duhet përqendrim më i madh, disiplinë dhe teknikë. Është një garë me shumë emocion, por edhe privilegj për ta përfaqësuar shtetin e  Kosovës”, ka thënë Arjeta Rysha, duke mos fshehur shpresën që garuesit tanë të kthehen me rezultate të mira nga Portugalia. 

E privilegjuar ndihet edhe garuesja tjetër, Mimoza Jetullahu.

Image

“Ndihem shumë e privilegjuar që jam përzgjedhur në edicionin e katërt me radhë të Fia Hill Climb Masters, e cila do të mbahet në Braga të Portugalisë”, është shprehur Mimoza.

“Përfaqësueses së Kosovës kësaj radhe i bashkohen edhe garueset femrat, Arjeta Rysha dhe unë, e kjo po ndodh për herë të parë në histori të Kosovës” thotë Mimoza Jetullahu, duke theksuar se e ka të qartë se bëhet fjalë për një garë shumë të fortë. 

“E di se na pret një konkurrencë shumë e fortë, por do të jap maksimumin tim për një paraqitje sa më dinjitoze. Tashmë jemi në përgatitje e sipër të makinave dhe dokumenteve për viza.

Ne po nisemi si një familje e madhe dhe uroj të arrijmë suksese e të kthehemi shëndosh e mirë në Kosovë”, ka thënë Arjeta në fund.
Veç saj e Arjetës, Kosova në Braga do të përfaqësohet edhe nga Liridon Kalenderi, Gazmend Demolli, Valon Jaha, Faton Rama,  Bardhyl Canolli e Selim Tahirsylaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat