Të dielën në Sllatinë mbahet Drag Race IV

Formula 1

Të dielën në Sllatinë mbahet Drag Race IV

Më: 2 tetor 2021 Në ora: 23:27
Të dielën në Sllatinë mbahet Drag Race IV

Të dielën, në pistën e vjetër të aeroportit në Sllatinë, mbahet gara në Drag Race, e katërta dhe e fundit për këtë vit në kuadër të Kampionatit të Kosovës.

Auto Klubi Eurogoma RT në bashkëpunim me Federatën e Auto Sportit të Kosovës (FASK) i ka bërë përgatitjet e duhura që edhe kjo garë të ketë rrjedhë dhe përfundim sa më të mirë.

Paraqitja në garë bëhet të dielën nga ora 07:30-09:00, ndërsa gjatë kësaj kohe bëhet edhe pajisja me numrat startues, verifikimi i dokumentacionit dhe kontrolli teknik i veturave.

Nga ora 10:00-10:30 janë lëshimet e lira për të vazhduar më pas me brifingun me garues dhe dy vozitjet kualifikuese.

15 minuta pas përfundimit të tyre nis gara zyrtare.

Policia e Kosovës, Ndihma e Shpejtë dhe Brigada e Zjarrfikësve do të asistojnë në garë për çdo eventualitet.

Për shkak të masave anti Covid, gara do të zhvillohet pa praninë e publikut.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat